La mondo estas muelilo

(Originala titolo: O mundo é um moinho)
Verkis: Cartola
Traduko: Vitor Mendes

Ankoraŭ fruas, am'
De l' infanaĝo jen vi en eliro
Kaj jam anoncas la horon por foriro
Malgraŭ sen scii direkton por la irad'

Atentu karulin'
Ke kvankam vi nun estas decidinta
Sur stratanguloj vi estos falinta
Kaj baldaŭ vi ne estos ĉi virin'

Aŭskultu min, karin'
Vidu ke l' mondo estas muelilo
Por la muel' al rev' je falsa brilo,
Al ĉiu via fia iluzi'

Atentu karulin'
De ĉiu am' al vi nur venos cinikeco
Konscios vi nur ĉe abisma peco
Ĉe la abismo kiun fosis vi.

Vidu kaj elŝutu la muziktekston kun akordoj (x-sistemo).