Ĉu iam Kristin' revenos?

(Originala titolo: Será que Cristina volta?)
Verkis: Chico Buarque
Traduko: Flávio Fonseca

Ĉu iam Kristin' revenos?
Ĉu restos nur tie ŝi?
Ĉu tio por ŝi ne gravas,
Ke tute ne havas
Plu konsolon mi?
Ĉiutage mi demandas
Ĉar demand' estas la tag'
Ĉu iam Kristin' revenos?
Aŭ tio estas imag'?

Ĉu iam Kristin' revenos?
Ĉu restos nur tie ŝi?
Daŭre serĉe mi sopiras
Mi iras, reiras,
En tiu zigzag'
Al demandoj iuj spitas
Dum aliaj min evitas,
Preterpasas tre rapide,
Sen min aŭdi, sen reag'

Ĉu iam Kristin' revenos?
Ĉu ŝatos nur tie ŝi?
Ĉu eble en frida horo
De l' nokt' sen valoro
Ŝi pensas pri mi?
Ĉu ŝi venos kun avido?
Ĉu venos senhaste ŝi?
Ĉu iam Kristin' revenos?
Ĉu restos tre fore de mi Kristin'?
Ĉu iam Kristin' revenos?
Ĉu restos tre fore de mi Kristin'?

Vidu kaj elŝutu la muziktekston kun akordoj (x-sistemo).