Ĉia bonordo

(Originala titolo: Tudo certo -aŭ- Quando tudo dá certo)
Verkis: Zé Renato k Ana Terra
Traduko: Flávio Fonseca

Mi tre ĝojas pro ĉia bonordo!
Plezura sonĝado, feliĉa vekiĝ'...
Tago pasas normale, senurĝe
Kondukas min milde al mia destin'.

Babilado senhasta kun ĉiuj
Aŭskulti parolojn sen antaŭzorgad'
Pri l' venonta demando aŭ diro
Sed simple aŭskulti atente ĝis fin'

Spiri per la tuta korpo
Liberiĝi de la timo
Paciĝi kun la vivo
Kaj malkovri ke l' belo troviĝas en nia rigard'

Mi tre ĝojas pro ĉia bonordo!



Kantas kaj gitarludas: Flávio Fonseca

Vidu kaj elŝutu la muziktekston kun akordoj (x-sistemo).