Destino

(Originala titolo: Te amo, te amo, te amo)
Verkis: João Plinta k Waldir Luz
Traduko: Erick Fishuk

Multajn fojojn kune uzis liton ni 

Kaj ĉe via sin’ matenon trovis mi 

Forgesanta ĉiujn miajn kompromisojn. 

Niaj vestoj, pro l’ amoro, restis for 

Dum kun rapideco batis mia kor’ 

Karesita de afabla via kis’. 

Niaj vivoj estas unu nur afero, 

Do, se ni apartiĝos, restos malespero, 

Malfacile vivas mi sen via am’. 

Jam kontaminis min parfumo via roza 

Kaj se ofendas oni vin, mi furiozas. 

Mi amos vin eterne, ho belega dam’!

Destino, destino, destino, destino 

Por ni jam estas komponita: 

Ni estos nur unu anim’. 

Destino, destino, destino, destino 

Min faris homo tre benita 

Per ĝojo kun neniu lim’.

Vidu kaj elŝutu la muziktekston kun akordoj (x-sistemo).