Kalendar'

(Originala titolo: Folhetim)
Verkis: Chico Buarque
Versio: Jorge de Oliveira

Se vi min telefonos
Kaj ion proponos,
Mi akceptos tuj
Al mi tute ne gravas,
Ke vi ja ne havas
Ion ajn en la monuj'

Skatol' da ĉokolad'
Aŭ nokto da drinkad'
Tre plaĉus al mi
Kaj se ni nur amoros
Mi certe ne ploros
Eĉ se mankos emoci'

Kaj se vi tion preferos,
Mi senhonte malveros
Por ĝojigi vin
Viajn problemojn mi pelos for
Kaj amos vin el la tuta kor'

Sed morgaŭ frumatene
Lasu min senĝene
Proksime de l' bar'
Ĉar vi ne estos pli
Ol sentaŭga foli'
Deŝirita de la kalendar'


Vidu kaj elŝutu la muziktekston kun akordoj (x-sistemo).

Nenhum comentário:

Postar um comentário

Bonvolu lasi vian komenton. Dankon!