Mi petas de Dio

(Originala titolo: Eu só peço a Deus)
Verkis: León Gieco
Portugallingva traduko: Raul Ellwanger (el Solo le pido a Dios)
Esperanta traduko el la portugala: James Rezende Piton

Petas mi de Di’
Pri doloro mi ne estu indiferenta
Ke la morto min ne trovu iam
Sola kaj pri miaj faroj nekontenta

Petas mi de Di’
Pri maljusto mi ne estu indiferenta
Ĉar ne turnos mi l' alian vangon
Se mi jam ricevis vundon violentan

Petas mi de Di’
Pri milito mi ne estu indiferenta
Tio estas monstro piedprema
Kontraŭ la popolo, plago plej turmenta

Petas mi de Di’
Pri mensogo mi ne estu indiferenta
Se perfido trompas la popolon
Estu la popolmemoro permanenta

Petas mi de Di’
Pri l' estonto mi ne estu indiferenta
Sen bezoni fuĝon malesperan
Por dependi de kulturo aligenta.

Vidu kaj elŝutu la muziktekston kun akordoj (x-sistemo).




Vidu alian version:
Dio, mi petas vin