Aŭdioj!

Ekde nun Brazila Kolekto havas novan allogaĵon: Aŭdioj!

Kelkaj kantoj estas registritaj bonkvalite en muzikstudioj, tamen de ili oni ankoraŭ ne produktis videojn.

Do vi ne plu bezonas serĉi aliloke aŭ diveni la melodion: nun vi povas aŭdi ĝin simple klakante sur la ligilo sub la muzikteksto - kaj eĉ elŝuti ĝin, se vi volas!

Iom post iom la aro da aŭdioj kreskos, laŭ permeso de la komponistoj - jes, ni ne volas kontraŭstari la aŭtorrajtajn leĝojn.

Por aliri al listo da publikigitaj aŭdioj, vidu ligilon en la dekstra kolumno, sub la rubriko Trovu laŭ enhavo.