54ª BKE / 39ª BEJK

De la 20ª ĝis la 23ª de junio okazis la 54ª Brazila Kongreso de Esperanto, kaj samtempe la 39ª Brazila Esperantista Junulara Kongreso, en la urbo Gojanjo, en centro-okcidento de Brazilo. La ĉeftemo: Esperanto, kulturo kaj arto: kunaj en la konstruado de nova socio.

BRAZILA KOLEKTO kompreneble ĉeestis. Flávio Fonseca prelegis pri La Brazila Muziko en Esperanto, prezentis novaĵojn kaj enhavojn de la retejo kaj respondis al demandoj.

Kaj la ĉi-eldona Deklaro estas ĝuste de la prezidanto de EAGO - Esperanto-Asocio de Gojaso, Álvaro Dias. Spektu ĝin:



Jen la muzikaĵoj ĵus aldonitaj al la retejo:

Tropikulino, fama nordorientetosa kanto de Alceu Valença kaj Vicente Barreto, tradukita de James Rezende Piton.

Virino, kanto verkita de Erasmo Carlos, kaj esperantigita de Vitor Mendes.

La originala komponaĵo Jen, unu el la plej konataj furoraĵoj de Alejandro Cossavella.

Tri (!) pliaj tradukoj de bosanovaĵo de Tom Jobim, ĉiuj faritaj de la senlaca Wel: ĉi tiu Korkovado, tiu Korkovado kaj tiu alia Korkovado.

Kaj Pri doloro, traduko far Sylla Chaves de aprezata komponaĵo de Flávio Fonseca.

Nenhum comentário:

Postar um comentário

Bonvolu lasi vian komenton. Dankon!