Brazila Kolekto informas:

Ekde la venonta junio la aktualigo de la retejo estos ne plu ĉiusemajna, sed duonmonata.

Kvankam ja ekzistas ankoraŭ sufiĉa materialo eĉ por publikigo preskaŭ ĉiutaga, mankas pli granda nombro da abonantoj, por ke oni povu dungi homojn por helpi la laboron, kiu ĝis nun estas plenumata de ununura ulo.

La kvalito sendube restos la sama; tamen, se la malplia ofteco ĝenos vin, bonvolu kontribui iĝante abonanto! Kaj bonvolu diskonigi la abonkampanjon al viaj konatuloj kiuj ŝatas kaj Esperanton kaj muzikon! Kiam ni atingos la unuan celon de la kampanjo, tiam ni revenos al la ĉiusemajna aktualigo.

Kaj jen la ĉi-semajnaj novaĵoj:

Estas publikigita plia video de la serio Deklaroj, ĉi-foje de la kantistino Cláudia Miguel, kiu kantis en la muzikvideo Terezinjo. Jen ĝi:



Bedaŭrinde oni havas ankaŭ malĝojan novaĵon, nome la forpaso de unu el la plej gravaj brazilaj kantistinoj de sambo, Beth Carvalho. Omaĝe al ŝi, Vitor Mendes tradukis faman sambon de ŝia repertuaro, Ploru, verkita de Neoci Dias, Jorge Aragão kaj Edel Lima (Dida).

La aliaj muzikaĵoj publikigitaj ĉi-semajne estas:

La belega kaj harmonie tre kompleksa Mia, verkita de Francis Hime kaj Ruy Guerra, laŭ traduko de Wel.

Verkita de Carlinhos Brown kaj Marisa Monte, la kanto Karul', I love you, tradukita de James Rezende Piton.

La originala elektronika komponaĵo La distanco, de Roger Borges, registrita en la Vinilkosma albumo Elektronika Kompilo. Akompanas partituro.

Kaj la kanto Ni adiaŭis nin, kiu tre famis en la 70aj jaroj, verkita de Dave Maclean kaj tradukita de Erick Fishuk.

Nenhum comentário:

Postar um comentário

Bonvolu lasi vian komenton. Dankon!