Deklaroj

Ekde ĉi-semajno, plia novaĵo en BRAZILA KOLEKTO!

Estas kreita nova rubriko en nia jutuba kanalo por videaj deklaroj de gravuloj en Esperantio kaj/aŭ muzikmedio, pri Brazila Kolekto, pri muziko en Esperanto ktp.

Kaj en la debuto jen Evandro Avellar, nuna prezidanto de Brazila Esperanto-Ligo!



Spektu ĝin ĉi tie, en la jutuba kanalo, aliĝu al la kanalo, diskonigu ĝin al viaj konatuloj, komentu, partoprenu en tiu grava kultura iniciato!

Kaj la kvin muzikaĵoj aldonitaj ĉi-semajne al nia retejo estas:

Ekiru ni, verko de Edu Lobo pri la formigruloj el brazila nordoriento dum la (tro) seka sezono. La traduko estas de James Rezende Piton.

Ostaĝe de soleco, unu el la plej belaj poemoj de la brazila muziko, verkita de Baden Powell kaj Paulo César Pinheiro, laŭ traduko de Wel.

Karnavala mateno, plia traduko de bosanova klasikaĵo de Luiz Bonfá kaj Antônio Maria, far Vitor Mendes.

La originala komponaĵo Malharmonio, verkita de Aloísio Sartorato kaj Vera Jordan. Akompanas video.

Kaj la porinfana Pli ol mil steloj, versio farita de Sylla Chaves el tradicia kanto. Akompanas partituro.

Restu atenta, ĉar en la venonta semajno aperos nova muzikvideo produktita de BRAZILA KOLEKTO!

Nenhum comentário:

Postar um comentário

Bonvolu lasi vian komenton. Dankon!