En uea.facila

UEA publikigis artikolon pri BRAZILA KOLEKTO en sia retejo uea.facila! Kaj ankaŭ eblas aŭskulti ĝin per aŭdio-dosiero. Legu / aŭdu ĝin ĉi tie.

Nia kara Universala Esperanto-Asocio lanĉis antaŭnelonge tiun interesegan kaj utilan retejon, kiu kunigas facilajn artikolojn en Esperanto, uzantajn lingvaĵon kompreneblan al komencantoj, kiuj svarmas en la mondo dank' al interreto kaj aliaj teknologioj. Brazila Kolekto tre ĝojas esti invitita verki materialon por ĝi!

Kaj la ĉi-semajnaj novaĵoj estas:

Laŭ traduko de Wel, jen la kanto Feliĉa tempo, verkita de Baden Powell kaj Vinicius de Moraes.

Vitor Mendes faris duan tradukon de la kanto La ebriulo kaj la ŝnurdancistino, verkita de João Bosco kaj Aldir Blanc.

La komponaĵo Ho! mia kor'!, sur teksto de Zamenhof, verkita de Markone Froes, de la estinta bando Merlin.

Kaj du tradukoj de religia kanto, verkita de Franklin Heilbuth: unu nomiĝas Dio, tradukita de Lício de Castro, kaj la alia estas En mi troveblas Di', tradukita de Flávio Fonseca.

Ha! Ni transpasis la markon de 400 muzikaĵoj en BRAZILA KOLEKTO!

Kaj ĉu vi jam spektis la novan videon produktitan de Brazila Kolekto? Jen ĝi: Terezinjo. Ĉu jam? Spektu denove!

Nenhum comentário:

Postar um comentário

Bonvolu lasi vian komenton. Dankon!