Komponaĵoj

Finfine BRAZILA KOLEKTO inaŭguras tre deziratan rubrikon: Komponaĵoj!

Ekde nun nia kolekto ampleksas ankaŭ kantojn verkitajn originale en Esperanto - kondiĉe ke almenaŭ unu el la aŭtoroj estu brazila.

Tial, nun kelkaj artistoj troveblas en du listoj: tiu de Aŭtoroj kaj tiu de Tradukintoj.

Kaj debute jen jam tri kantoj kiel ekzempleroj, ĉiuj akompanataj de partituro kaj muzikteksto kun akordoj por gitaro:

Jam temp' está por verdera' estas verko de Flávio Fonseca kaj Geraldo Mattos; el tiu kanto fragmento estas uzata kiel malferma vinjeto de la originalaj muzikvideoj produktataj de BRAZILA KOLEKTO. Akompanas ĝin ankaŭ video.

Eltransformiĝo estas komponaĵo de Afonso Camboim, pri filozofia sinteno rilata al persona evoluo.

Kaj la religia Patro nia, komponita sur biblia teksto tradukita de Zamenhof. La aŭtorino estas Giselle Sprovieri.

Krome, la tradukaj novaĵoj ĉi-semajnaj estas:

Landinterna festo, frevo de Moraes Moreira kaj Abel Silva, kiu estis registrita pli ol 20-foje ekster Brazilo. La esperantigon elstare faris Wel.

Kaj Konsolo, de Baden Powell kaj Vinicius de Moraes, kiun bele tradukis Vitor Mendes.

Nenhum comentário:

Postar um comentário

Bonvolu lasi vian komenton. Dankon!