Pli ol 50.000!

BRAZILA KOLEKTO jam ricevis pli ol 50.000 vizitojn!

Ĉi-semajne jen unu el la plej gravaj poetoj de la brazila muziko, Paulo César Pinheiro! Vidu du versiojn de lia unua komponaĵo, verkita kune kun João de Aquino tiam, kiam Paulo estis 14-jaraĝa: Vojaĝo. Ankaŭ la tradukintoj estas inter la plej kompetentaj en Brazilo. Vidu tiun ĉi version, far Cícero Soares, kaj tiun ĉi, far Ivo Pinto Magalhães.

Alia novaĵo estas tiu ĉi gracia kanto, famigita de voĉgrupo Boca Livre: Nene', verkita de Maurício Maestro, laŭ traduko de Flávio Fonseca.

Vidu ankaŭ la bosanovon Ho! Vi!, de Roberto Menescal kaj Ronaldo Bôscoli, bele tradukita de Jair Salles.

Kaj, kun video, jen la internacie konata ŝoro Zonotriko en la faruno, de Zequinha de Abreu, diskonigita de Carmen Miranda en siaj holivudaj filmoj. La teksto estas de Eurico Barreiros kaj la versio de profesoro Sylla Chaves.

Tre baldaŭ BRAZILA KOLEKTO prezentos al vi tre allogan novaĵon! Akompanu kaj atendu!

Nenhum comentário:

Postar um comentário

Bonvolu lasi vian komenton. Dankon!