Novaj tradukintoj

Ĉi-semajne debutas en la paĝoj de BRAZILA KOLEKTO kvin pliaj tradukintoj! Ĉiuj tre kompetentaj, prezentantaj al ni altkvalitajn versiojn. Jen ili (laŭ alfabeta ordo):

Alberto Chueiri, kiu tradukis el ŝlagro de grupo Boca Livre la kanton Melodio (Survoje al ta tago), de Cláudio Nucci, Juca Filho kaj Zé Renato.

Carlos de Faria, kiu faris version el Valseto, verkita de Chico Buarque kaj Vinicius de Moraes.

La karmemora poeto Dokito, kiu de Caetano Veloso tradukis la kanton Ĝojo, ĝojo.

Marcos Campos tradukis la kanton Trairado, kiu famigis Milton Nascimento kaj Fernando Brant.

Kaj Wel, kiu faris version de la bela duvoĉa Sambo en preludo, de Baden Powell kaj Vinicius de Moraes.

Ne forgesu, ke en la 2ª de junio Flávio Fonseca koncertos ĉe Memorial de Curitiba, dum la 53ª Brazila Kongreso de Esperanto! Ne maltrafu la okazon, kaj informu al viaj geamikoj kaj samfamilianoj loĝantaj en la urbo, ĉar la evento estos malferma al ĝenerala publiko!

Nenhum comentário:

Postar um comentário

Bonvolu lasi vian komenton. Dankon!