Koncerto Brazila Kolekto!

Ĉi-semajne estas du gravaj novaĵoj: la unua (ne tre nova, ĉar jam disvastigata), estas la koncerto farota de Flávio Fonseca dum la 53ª Brazila Kongreso de Esperanto, en la urbo Kuritibo, la 2an de junio, je la 19:30, ĉe la bela Memorial de Curitiba. La repertuaro estos bazita ĉefe sur la retejo BRAZILA KOLEKTO! Kaj la akompana bando konsistos el elektra gitaro, basgitaro, drumo kaj blovinstrumentoj (alda kaj soprana saksofonoj kaj fluto), krom la voĉo kaj gitaro de Flávio. Ĉio estas preskaŭ preta, sed vi ankoraŭ povas kontribui por la sukceso, apogante la kampanjon organizitan de Brazila E-Ligo (vidu ĉi tie, portugallingva paĝo).

La alia novaĵo estas la propra adreso ĵus akirita de BRAZILA KOLEKTO! Nun vi povas aliri la retejon rekte per www.brazilakolekto.com!

Kaj jen la novaldonitaj kantoj:

La versio de versio Reen al vi, tradukita de Jorge de Oliveira el portugallingva versio (farita de Ronaldo Bastos) de You’ve got a friend, de Carole King.

La fama bosanovaĵo Karnavala maten', de Luiz Bonfá kaj Antônio Maria, laŭ versio de Flávio Fonseca.

La klasikaĵo Maringa', de Joubert de Carvalho, laŭ traduko de Sylla Chaves.

Kaj du versioj de kanto famigita de Tim Maia, kaj verkita de Cassiano kaj Sílvio Rochael: unu nomiĝas Printempo (For pluvo), far Ivo Pinto Magalhães, kaj la alia nomiĝas Printempo (For, pluvo), far Túlio Flores.

Nenhum comentário:

Postar um comentário

Bonvolu lasi vian komenton. Dankon!