Kiel serĉi en la blogo

Ekzistas pluraj manieroj serĉi ion en la blogo BRAZILA KOLEKTO. La plej rekta estas aliri al la spaco sub la teksto Serĉu en ĉi blogo, en la dekstra kolumno, kaj tie skribi ion ajn kion vi volas serĉi. Tio povas esti titolo de iu kanto (originala aŭ tradukita), nomo de iu aŭtoro aŭ tradukinto, vorto trovebla en iu muzikteksto, aŭ io ajn kio aperas en la publikigaĵo. Vi nur devas skribi komplete la serĉatan vorton, kaj poste klaki sur la butono dekstre de la spaco.

Ĉi-semajne la novaĵoj estas:

Du versioj de la kanto Felicidade, de Lupicínio Rodrigues. Unu el ili estas Feliĉo nia, tradukita de Ivo Pinto Magalhães; la alia estas Feliĉeco, far Josias Barboza.

Alia kanto kies portugallingva titolo estas Felicidade, estas versio de Love of my life, de Freddie Mercury. La portugaligon faris Paulo Ricardo, de la rokbando RPM, kaj la esperantigon (Mi amas vin) faris Jorge de Oliveira.

Plia porinfana kanto tradukita de Jorge Teles estas Dronis la boato, ankaŭ trovebla en la KD Ni dancu en la rondo.

Kaj Mienoj, verkita de Tunai k Sérgio Natureza kaj tradukita de Flávio Fonseca, laŭ mia opinio unu el la plej belaj poemoj de la brazila kantaro.

Nenhum comentário:

Postar um comentário

Bonvolu lasi vian komenton. Dankon!