Kvin gravaj aŭtoroj

La blogo Brazila Kolekto estas ankaŭ utila kiel apoga instrumaterialo. La gelernantoj povas per ĝi praktiki komprenon kaj prononcon, kaj eĉ se ili ne konas la muzikaĵojn, ili povas fari gramatikan analizon kaj akceli akiron de vortprovizo.

Ĉi-semajne mi aldonis kvin gravajn aŭtorojn al nia kolekto! Jen ili, laŭ alfabeta ordo:

Baden Powell, unu el la plej virtuozaj gitaristoj de la lando - de li, Peto, kunverkita kun Vinicius de Moraes, laŭ traduko de Jair Salles.

Cartola, fondinto de la Samblernejo Mangueira - de li, la bela La rozoj silentas, laŭ traduko de la poeto Jorge das Neves.

Ivan Lins, internacie konata kiel komponisto - kun Vitor Martins, li verkis Al niaj gefiloj, kiun tradukis mi.

Lenine, premiita de Grammy Latina, inter aliaj - kiu verkis kun Dudu Falcão la kanton Pacienco, tradukita de Cícero Soares.

Kaj Paulinho da Viola, sambisto kaj ŝoristo, verkinto de la interesa Ruĝa lum', kiu priskribas renkonton ĉe semaforo - ĉi tiu ankaŭ tradukita de mi.

Nenhum comentário:

Postar um comentário

Bonvolu lasi vian komenton. Dankon!