Brazila poezieco

Nia blogo Brazila Kolekto estas alloga ankaŭ por la poeziamantoj! Se vi ne konas la brazilajn originalajn muzikaĵojn, se vi ne povas aŭ volas kanti aŭ ludi ilin, kaj eĉ se vi ne ŝatas muzikon - same vi povas legi la muziktekstojn kiel belajn poemojn, kaj tiel iom gustumi la brazilan buntan poeziecon, kaj ekkoni kelkajn elstarajn poetojn, kiaj estas Ferreira Gullar, Vinicius de Moraes, Chico Buarque, inter aliaj (kaj multaj ankoraŭ venos!).

Ĉi-semajne alvenas al la blogo du bonaj tradukintoj: James Rezende Piton, per la kompleksa kanto Birdetaro, de Francis Hime kaj Chico Buarque; kaj Ivo Pinto Magalhães, per la versio Tago en Itapuan', de Toquinho kaj Vinicius de Moraes, duoblaĵo de Liberhorar' en Itapoã, tradukita de Aaron Köenig.

Kaj krom Toquinho, jen debutas en nia blogo aliaj famaj aŭtoroj: Djavan (per la kanto Sorto) kaj Gilberto Gil (per la kanto Avokadarbo), ambaŭ tradukitaj de mi.

Nenhum comentário:

Postar um comentário

Bonvolu lasi vian komenton. Dankon!