Karaj ĉiuj!

Ĉi-semajne kiel promesite mi aldonis al la Kolekto tri novajn versiojn! Eĉ pli bone: de tri brazilaj muzikaĵoj, sed fakte kvin versiojn! Kaj tiel alvenis al la blogo tri bonegaj tradukemuloj!

Nome, du malsamaj (kaj elstaraj) tradukoj de la bosanovaĵo O Barquinho:
Barketo, de la veterano Jair Salles, kaj
La ŝipeto, de la germana Aaron Köenig (eksbandano de La Mondanoj), konata pro lia albumo Aaron Brazilumas Esperante.

Ankaŭ du majstraj tradukoj de alia bosanovaĵo, Samba de uma nota só:
Unutona sambo, farita el la angla de la sveda akademiano Bertilo Wennergren (kaj drumisto de la bando Persone), kaj
Sambo de unu noto nur, ankaŭ far Aaron.

Fine, plia versio farita de mi por kanto de Caetano Veloso: Kolortrajno.

Dankon al ĉiuj pro la vizitoj kaj disvastigo!

Nenhum comentário:

Postar um comentário

Bonvolu lasi vian komenton. Dankon!